२०८३ जेठ २४ गते
नेप्सेमा एकल अङ्कको गिरावट, कारोबार रकम पनि घटेर चार अर्ब ४१ करोड
२०८१ मंसिर २५ गते
काठमाडौँ। मङ्गलबार पनि नेप्सेले गिरावटलाई नै निरन्तरता दिएको छ । आज नेप्से परिसूचक ६.३२ विन्दुले घटेर २६६९.८२ अंकमा पुगेको छ । बजार खुलेदेखिनै विभिन्न उतार चढाव बेहोरेको नेप्से अन्ततः ०.२३ प्रतिशतले घटेको हो ।
यस दिन नेप्सेका १३ उपसमूहमध्य चार उपसमूहका परिसूचक बढेका छन् भने बाँकी नौ उपसमूहका परिसूचक घटेका छन् । मंगलबार सर्वाधिक बढ्नेमा उत्पादन तथा प्रशोधन उपसमूह रह्यो जसको परिसूचक ०.३३ प्रतिशतले बढेको छ । त्यस्तै यस दिन सर्वाधिक घट्ने उपसमूहमा जीवन बिमा उपसमूहमा रह्यो जसको परिसूचक एक प्रतिशतले घटेको छ।
नेप्से परिसूचक घटेसँगै आज कारोबार रकम पनि घटेको छ । अघिल्लो कारोबार दिन ५ अर्ब ६२ करोड बराबरको शेयर खरिदबिक्री भएको बजारमा यस दिन ३१७ स्टकको ५२ हजार सात सय ५ पटकको कारोबारमा चार अर्ब ४१ करोड बराबरको किनबेच भएको छ । जसमा ८५ कम्पनीका शेयर बढेका छन् भने १३८ कम्पनीका शेयर घटेका छन् । त्यसै गरी १३ कम्पनीका शेयर स्थिर रहेका छन् ।
यस दिन सर्वाधिक बढ्नेमा जोशी हाइड्रोपावर रह्यो जसको शेयर ७.६७ प्रतिशतले बढेको छ । त्यसै गरी सर्वाधिक घट्नेमा एनआरएन इन्फ्रास्ट्रकचर एण्ड डेवलप्मेंट कम्पनी रह्यो जसको शेयर दश प्रतिशतले घटेको छ ।
कारोबार रकमका आधारमा सर्वाधिक कारोबार हुनेमाएनआरएन इन्फ्रास्ट्रकचर एण्ड डेवलप्मेंट कम्पनी रह्यो जसको १८ करोड ९६ लाख बराबरको शेयर कारोबार भएको छ । त्यस्तै, आज भोल्युमको आधारमा सर्वाधिक कारोबार हुनेमा सानिमा माई हाइड्रोपावर रह्यो जसको तीन लाख ४१ हजार छ सय ५४ कित्ता शेयर किनबेच भएको छ।
प्रतिक्रिया