२०८३ जेठ २० गते
पाँच महिनामै बैंकहरुको नाफा साढे ३० अर्ब बढी, सबैभन्दा बढी नाफा नबिल बैंकको
२०८१ पुस २९ गते
काठमाडौ । बाणिज्य बैंकहरुले चालु आर्थिक वर्षको ५ महिनाको अवधिमा ३० अर्ब ५९ करोड ३१ लाख रुपैयाँ खुद नाफा कमाएक प्रतिवेदन नेपाल राष्टज्ञ बैंकले सार्वजनिक गरेका छन् । सञ्चालनमा रहेका २० वाणिज्य बैंकको नाफा ७.८४ प्रतिशतले बढेको छ । । गत आर्थिक वर्षको यसै अवधिमा बैंकहरुले २८ अर्ब ३६ करोड ७८ लाख रुपैयाँ नाफा कमाएको नेपाल राष्ट्र बैंकले जनाएको छ ।
वाणिज्य बैंकहरुमध्ये सबैभन्दा धेरै नाफा कमाउनेमा नबिल बैंक अगाडि देखिएको छ । यसले केही समय यता निरन्तर नाफाका आधारमा एक नम्बरको स्थान ओगटीरहेको छ । नबिलले ५ महिनामा ३ अर्ब ४९ करोड रुपैयाँ खुद नाफा कमाएको छ । यसलाई ग्लोबल आइएमई बैंक र नेपाल इन्भेष्टमेन्ट मेगा बैंकले पछ्याइरहेको छ । ग्लोबल आइएमई बैंकले २ अर्ब ८३ करोड तथा नेपाल इन्भेष्टमेन्ट मेगाले २ अर्ब ४९ करोड कमाएको छ । यता कुमारीले १ अर्ब ९९ करोड, प्राइम कर्मिसयलले १ अर्ब ९६ करोड, एभरेष्ट बैंकले १ अर्ब ९४ करोड, एनएमबिले १ अर्ब ९० करोड र प्रभुले १ अर्ब ८३ करोड रुपैयाँ खुद नाफा कमाएका छन् ।
केही वर्ष अघि व्यापार विस्तारमा आक्रामक बनेको एनआइसी एशिया बैंक पछिल्लो समय सुस्ताएको छ । यो बैंक नाफाका आधारमा सबैभन्दा पुछारमा छ । एनआइसी एसिया बैंकले जम्मा ६३ करोड ३४ लाख रुपैयाँ मात्र नाफा गरेको छ । सबैभन्दा बढी एनआइसी एसियाको नाफा ६५.७६ प्रतिशतले घटेको छ । सिटिजन्स बैंकले ६९ करोड ४९ लाख, माछापुच्छ्रे बैंकले ८२ करोड ७४ लाख तथा राष्ट्रिय वाणिज्य बैंकले ८६ करोड ७१ लाख नाफा कमाएका छन् । अधिकांश बैंकहरुको नाफा बढेको देखिन्छ ।
प्रतिक्रिया