२०८३ जेठ २१ गते
साहस उर्जाले लाभांश प्रस्तावसहित बोलायो साधारण सभा, बोनस वितरणलगत्तै हकप्रद शेयर निष्काशन गर्ने
२०८१ असोज ०२ गते
काठमाडौँ । साहस उर्जा लिमिटेड (SAHAS) ले आफ्ना शेयरधनीहरुलाई दिने लाभांश प्रस्ताव पारित गर्न साधारण सभा बोलाएको छ ।
सभाले हाल कायम चुक्ता पूँजीको ८ प्रतिशतका दरले बोनस शेयर र बोनस शेयरको कर प्रयोजनार्थ ०.४२१ प्रतिशतका दरले नगद लाभांश वितरण गर्ने विशेष प्रस्ताव पारित गर्नेछ। त्यस्तै, सभाले बोनस शेयर वितरणपश्चात कायम चुक्ता पूँजीको शतप्रतिशत अर्थात १ बराबर १ अनुपातमा हकप्रद शेयर निष्काशन गर्ने विशेष प्रस्ताव पनि पारित गर्नेछ।
कम्पनीको साधारण सभा काठमाडौँको बबरमहलस्थित कार्की ब्याङ्क्वेटमा कात्तिक ४ गते बिहानको ११ बजे हुँदैछ ।
सभाले कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, स्वतन्त्र सञ्चालकको नियुक्त गर्ने, सञ्चालक समितिमा संस्थापको तर्फबाट ४ जना तथा सर्वसाधारणको तर्फबाट २ जना सञ्चालकको निर्वाचन गर्ने, परियोजनाको लागि लिइएको थप ऋण अनुमोदन गर्ने लगायतका प्रस्तावहरु पनि पारित गर्नेछ।
प्रतिक्रिया