२०८३ जेठ २३ गते
सरकारको आर्थिक सर्वेक्षण - आर्थिक वर्षको अन्त्यसम्म प्रतिव्यक्ति आय १४ सय ५६ डलर हुने
२०८१ जेठ १३ गते
काठमाडौँ ।अर्थमन्त्री वर्षमान पुनले चालू आर्थिक वर्षको अन्त्यसम्म प्रतिव्यक्ति आय १४ सय ५६ डलर हुने बताएका छन् ।
आइतबार बसेको प्रतिनिधि सभाको बैठकमा अर्थमन्त्री पुनले २०८०/८१ को आर्थिक सर्वेक्षण पेश गर्दै यो आर्थिक वर्षको अन्त्यमा नेपालको आर्थिक वृद्धिदर ३ दशमलव ९ प्रतिशत हुने र प्रतिव्यक्ति आय साढे १४ सय अमेरिकी डलर हुने बताएका हुन् ।
"मुलुकको आर्थिक सामाजिक परिस्थिति सुधारिएको छ," नेपाली कांग्रेसले गरेको अवरोधका बीच रोष्ट्रम पुगेर उनले भने, "मुलुकको अर्थतन्त्र ३ दशमलव ९ प्रतिशतले बढ्ने प्रक्षेपण गरिएको छ ।"
उनले मुद्रास्फिति ६ दशमलव ८ प्रतिशत रहने बताए । साथै राजश्व परिचालन सुधारिएको उनको दाबी छ ।
"चालू आर्थिक वर्षको फागुनसम्म संघीय सरकारको खर्च २ दशमलव ९ प्रतिशतले वृद्धि भएको छ,"उनले भने, "यो बीचमा २३ खर्ब, ८८ अर्ब २६ करोड ऋण परिचालन पनि भएको छ ।" उनले बैंकमा प्रशस्त तरलता रहेको बताए ।
उनले आर्थिक सर्वेक्षणले औंल्याएका विषयहरूलाई बजेटमार्फत कार्यान्वयन गर्दै लगिने बताए । आउँदो मंगलबार सरकारले बजेट प्रस्तुत गर्ने कार्यक्रम रहेको छ ।
प्रतिक्रिया