२०८३ जेठ १९ गते
साताको अन्तिम कारोबार दिन शेयरबजारमा दोहोरो अंकको गिरावट, कारोबार रकममा वृद्धि
२०८१ मंसिर २७ गते
काठमाडौँ। साताको अन्तिम कारोबार दिन शेयर बजारमा ठूलो अंकको गिरावट आएको छ । आज नेप्से परिसूचक ३३.४२ विन्दुले घटेर २६८२.२९ अंकमा पुगेको छ । बजार खुलेदेखिनै विभिन्न उतार चढाव बेहोरेको नेप्से अन्ततः १.२३ प्रतिशतले घटेको हो ।
यस दिन नेप्सेका १३ उपसमूहमध्य दुई उपसमूहका परिसूचक बढेका छन् भने बाँकी ११ उपसमूहका परिसूचक घटेका छन् । बिहिबार सर्वाधिक बढ्नेमा म्युचुवल फण्ड उपसमूह रह्यो जसको परिसूचक ०.३९ प्रतिशतले बढेको छ । त्यस्तै यस दिन सर्वाधिक घट्ने उपसमूहमा फाइनान्स उपसमूहमा रह्यो जसको परिसूचक २.६४ प्रतिशतले घटेको छ।
नेप्से परिसूचक घटेपनि आज कारोबार रकम भने बढेको छ । अघिल्लो कारोबार दिन पाँच अर्ब ५ करोड बराबरको शेयर खरिदबिक्री भएको बजारमा यस दिन ३०४ स्टकको ६७ हजार एक सय २८ पटकको कारोबारमा छ अर्ब १४ करोड बराबरको किनबेच भएको छ । जसमा ४० कम्पनीका शेयर बढेका छन् भने २०४ कम्पनीका शेयर घटेका छन् ।
यस दिन सर्वाधिक बढ्नेमा त्रिशुली जलविद्युत कम्पनी रह्यो जसको शेयर ८.५५ प्रतिशतले बढेको छ । त्यसै गरी सर्वाधिक घट्नेमा जानकी फाइनान्स रह्यो जसको शेयर ७.४१ प्रतिशतले घटेको छ ।
कारोबार रकमका आधारमा सर्वाधिक कारोबार हुनेमा जानकी फाइनान्स रह्यो जसको २६ करोड १२ लाख बराबरको शेयर कारोबार भएको छ । त्यस्तै, आज भोल्युमको आधारमा सर्वाधिक कारोबार हुनेमा जोशी हाइड्रोपावर रह्यो जसको तीन लाख ५२ हजार कित्ता शेयर किनबेच भएको छ।
प्रतिक्रिया