२०८३ जेठ २५ गते
शेयर बजारमा दोहोरो अंकको उछाल, कारोबार रकममा पनि वृद्धि
२०८१ वैशाख ३१ गते
काठमाडौँ । साताको दोस्रो कारोबार दिन शेयर बजार दोहोरो अंकले बढेको छ । यस दिन नेप्से परिसूचक २४.३९ अंकले बढेर १९९८.८९ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः १.२३ प्रतिशतले बढ्न पुगेको हो ।
आज नेप्सेमा १३ उपसमूहमध्य आठ उपसमूहको परिसूचक बढेका छन् भने बाँकी पाँच उपसमूहका परिसूचक घटेका छन् । सोमबार सर्वाधिक बढ्नेमा बैंक उपसमूह रह्यो जसको परिसूचक ३.२१ प्रतिशतले वृद्धि भएको छ । यसै गरी सर्वाधिक घट्ने उपसमूहमा होटल तथा पर्यटन उपसमूह रह्यो जसको परिसूचक ०.४४ प्रतिशतले घटेको छ ।
नेप्से बढेसँगै आज कारोबार रकम पनि बढेको छ । अघिल्लो कारोबार दिन ३ अर्ब १५ करोड ५१ लाख रुपैयाँ बराबरको शेयर खरिदबिक्री भएकोमा यस दिन ३२० स्टकको ४५ हजार ८ सय २८ पटकको कारोबारमा ३ अर्ब ४० करोड ८६ लाख रुपैयाँ बराबरको ९५ लाख ४१ हजार १७ कित्ता शेयर खरिदबिक्री भएको छ । जसमा १४८ वटा कम्पनी बढेका छन् भने ८५ वटा कम्पनी घटेका छन् । यसैगरी ११ वटा कम्पनीको शेयर भने स्थिर रहन पुगेका छन् । यस दिन सर्वाधिक बढ्नेमा नारायणी विकास बैंक, समाज लघुवित्त र माण्डु हाइड्रोपावर रह्यो जसको शेयरमा दश प्रतिशतको उछाल आएको छ । यसका साथै आज सृजनसिल लघुवित्त र हिमालयन उर्जा विकास कम्पनीको शेयरमा सकारात्मक सर्किट लागेको छ । सर्वाधिक घट्नेमा भने सीवाइसी लघुवित्त रह्यो जसको शेयर ५.६५ प्रतिशतले घटेको छ ।
प्रतिक्रिया