२०८३ जेठ २० गते
शेयर बजारमा एकल अंकको गिरावट, कारोबार रकम बढेर ५ अर्ब भन्दा माथि
२०८१ जेठ २७ गते
काठमाडौँ । साताको पहिलो कारोबार दिन नेप्से परिसूचक एकल अंकले घटेको छ । यस दिन नेप्से ४.५९ अंकले घटेर २०७३.१९ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.२२ प्रतिशतले घटेको हो ।
आज नेप्सेमा १३ उपसमूहमध्य पाँच वटा उपसमूहको परिसूचक बढेको छ भने अन्य आठ उपसमूहको परिसूचक घटेका छन् । आइतबार सर्वाधिक बढ्ने उपसमूहमा होटल तथा पर्यटन रह्यो जसको परिसूचक २.९२ प्रतिशतले वृद्धि भएको छ । यसै गरी सर्वाधिक घट्नेमा व्यापार उपसमूह रह्यो जसको परिसूचक १.५४ प्रतिशतले घटेको छ ।
नेप्से घटे पनि आज कारोबार रकम भने बढेको छ । अघिल्लो कारोबार दिन ४ अर्ब ३८ करोड रुपैयाँ बराबरको शेयर किनबेच भएकोमा यस दिन ३१३ वटा स्टकको ५९ हजार २ सय १९ पटकको कारोबारमा ५ अर्ब १८ करोड ९० लाख रुपैयाँ बराबरको एक करोड चार लाख ५२ हजार कित्ता शेयर खरिदबिक्री भएको छ । जसमा ९७ वटा कम्पनी बढेका छन् भने १४७ वटा कम्पनी घटेका छन् । यसैगरी ३ वटा कम्पनीको शेयर भने स्थिर रहन पुगेका छन् । यस दिन सर्वाधिक बढ्नेमा इस्टर्न हाइड्रोपावर, शुभम पावर, कुथेली बुखारी स्मल हाइड्रोपावर, भगवती हाइड्रोपावर रह्यो जसको शेयरमा सकारात्मक सर्किट लागेको छ । सर्वाधिक घट्नेमा बुद्धभूमि हाइड्रोपावर रह्यो जसको शेयरमा नकारामक सर्किट लागेको छ ।
प्रतिक्रिया