२०८३ जेठ २१ गते
शेयर बजारमा सामान्य गिरावट, कारोबार रकम निरन्तर घट्दै
२०८१ असोज ०२ गते
काठमाडौँ। यस हप्ताको अन्तिम कारोबार दिन पनि नेप्से परिसूचकमा गिरावटले नै निरन्तरता दिएको छ । विगत दुई दिन लगातार ५० अंकभन्दा बढीले घटेको शेयर बजार बुधबार भने ४ अंक मात्रले घटेर २५७६.७६ विन्दुमा पुगेको छ। बजार खुलेदेखिनै विभिन्न उतार चढाव बेहोरेको नेप्से अन्ततः ०.१५ प्रतिशतले घटेको छ।
बुधबार नेप्सेका १३ उपसमूहमध्ये २ उपसमूहको परिसूचक बढेको छ भने ११ उपसमूहको परिसूचक घटेको छ । यस दिन बैंकिङ्ग उपसमूहको परिसूचक ०.७६ प्रतिशत र निर्जीवन बीमा उपसमूहको परिसूचक ०.१६ प्रतिशत बढेको हो। यस दिन वित्त उपसमूहको परिसूचक सर्वाधिक २.६८ प्रतिशत घटेको छ।
यस दिन सर्वाधिक बढ्नेमा कालिका लघुवित्त वित्तीय संस्था रह्यो जसको शेयरमा ८.०८ प्रतिशतको वृद्धि भएको छ । त्यस्तै सर्वाधिक घट्नेमा गुडविल फाइनान्स रह्यो जसको शेयर ६.७७ प्रतिशतले घटेको छ ।
नेप्से परिसूचक घटेसँगै कारोबार रकममा पनि निरन्तर ओरालो लागेको छ । यस दिनको कारोबार रकम पछिल्लो करिब साढे २ महिना यताकै न्यून कारोबार हो। यस अघि गत असार २६ गते नेप्सेमा ५ अर्ब ७४ करोडको शेयर खरिदबिक्री भएको थियो।
बुधबार सर्वाधिक रकमको कारोबार गर्नेमा सीइडिबि हाइड्रोपावर डेभलपमेन्ट कम्पनी रह्यो जसको २० करोड ५८ लाख रुपैयाँ बराबरको शेयर किनबेच भएको छ । संख्याको हिसाबले सर्वाधिक शेयर कारोबार हुनेमा कुमारी बैंक रह्यो जसको ५ लाख ७ हजार कित्ता शेयर किनबेच भएको छ ।
प्रतिक्रिया