२०८३ जेठ २४ गते
यूएसआइडी बन्द हुँदा नेपालका कुन कुन क्षेत्रका बजेट प्रभावित भए ? अर्थमन्त्रालयले दियो प्रष्टिकरण
२०८१ फागुन १२ गते
काठमाडौँ । अर्थमन्त्रालयले विगत केही दिनदेखि अमेरिकी सहयोग नियोग यूएसआइडीबाट सञ्चालित कार्यक्रमहरुको सम्बन्धमा सञ्चार माध्यम तथा सामाजिक सञ्जालहरुमा आएका समाचार र टिप्पणीप्रति आफ्नो धारणा सार्वजनिक गरेको छ ।
अमेरिकी राष्ट्रपतिबाट गत २० जनवरी २०२५ मा जारी कार्यकारी आदेशबमोजिम नेपाल सरकारको बजेट प्रणालीमार्फत सञ्चालन भइरहेका शिक्षा, स्वास्थ्य, कृषि र तथ्यांकसँग सम्बन्धित चारवटा कार्यक्रमहरु ९० दिनका लागि रोकिएको जानकारी प्राप्त भएको जनाएको छ । त्यसैगरी, जैविक विविधता, प्रदेश एवं स्थानीय शासन सुदृढीकरण कार्यक्रम र जलवायु उत्थानशील नगरपालिका सेवा कार्यक्रम गरी तीनवटा कार्यक्रमहरु डिजाइनको क्रममा रहेकोमा उक्त आदेशबाट यी कार्यक्रमहरु समेत रोकिएको अवस्था छ।
डिजाइनको क्रममा रहेका उल्लेखित कार्यक्रमहरुको लागि सम्झौता नभइसकेको हुँदा कुनै सहयोग प्राप्त नभएको व्यहोरा जानकारी गराइन्छ।
प्रतिक्रिया